O día 7 de decembro celébrase a véspera da solemnidade da Inmaculada Concepción da Benaventurada Virxe María. Con tal motivo a Parroquia da Milagrosa acolle ás 19:30h a Vixilia da Inmaculada, acto para toda a familia que estará presidido polo señor Bispo, Mons. Alfonso Carrasco Rouco. A celebración está organizada pola devandita Parroquia e a Delegación Diocesana de Pastoral Familiar.
Na Catedral a solemnidade do día 8 ás 12 h estará presidida polo señor Bispo. Impártese a bendición papal.