Terá lugar o vindeiro xoves 9 de outubro no Seminario Diocesano. O tema elixido para este ano, “As Exequias. A celebración da morte á luz da Pascua de Cristo”, aparentemente é ben coñecido. Pero hai que cuestionarse se resulta evidente o significado e a profundidade que esconde o rito exequial e a importancia da oración polos defuntos. Tratará estes temas Xavier Parés, delegado de Liturxia da Seu d’Urgell e profesor da facultade de Teoloxía de Cataluña e do Instituto Superior de Liturxia de Barcelona.
A xornada, que se realizara en sesión de mañá (10h a 13:30h) e tarde (16:15 a 17.30), está aberta a sacerdotes, relixiosos, consagrados e fieis laicos. Non se organiza comida, tampouco se require inscrición e a asistencia é libre e gratuita. Os donativos recibidos destinaranse a sufragar os gastos de organización e difusión desta actividade.