Cine relixioso na parroquia de San Froilán de Lugo

  O próximo venres, 3 de xuño haberá unha proxección de cine relixioso na parroquia de San Froilán de Lugo. A película que se poderá ver titúlase O Cristo do océano.

 A película é un interesante retrato das xentes da mar e referencia indiscutible no xénero relixioso. Foi rodada na localidade asturiana de Cudillero.

 Un neno orfo ten unha estreita relación con Xoán Aguirre, un pescador cun gran carisma entre os seus paisanos, o cal se converteu nunha especie de pai para el. Un día Xoán Aguirre morre durante unha forte tormenta en circunstancias heroicas tras poñer ao resto de barcos a salvo. O neno queda moi triste, ata que estando na praia ve chegar a lombos das ondas unha figura dun Cristo crucificado (sen cruz), figura que leva a unha cova que é unha especie de santuario secreto seu.

 Á parte do seu interesante e emotivo argumento para os crentes é un moi interesante retrato dos costumes e tradicións da dura e entregada xente da mar.

Deixa un comentario

A %d blogueros les gusta esto: