Despois da boa experiencia da anterior “Unha luz na noite” (20 de decembro) na que colaboraban as outras dioceses de Galicia, o sábado 7 de marzo serán 42 os mozos de Lugo participantes na 2ª edición. Trátase de propoñer a outros mozos a que entren na igrexa de San Pedro (Lugo) para ter un momento de oración a partir das 24h.
Diocese
Asembleas da Confraría da Virxe da Esperanza e da Adoración Nocturna
A Insigne da Confraría da Virxe da Esperanza celebra a súa Asemblea Xeral Ordinaria o 6 de marzo ás 20:30 h na Parroquia de Santiago a Nova, sé da Confraría. Veranse as contas e memoria de actuacións do ano 2014 e do actual. Nomearanse ou ratificarán contadores e ratificarase o nomeamento dun vocal. Os confrades farán as súas propostas e recibirán os novos estatutos. Tamén se prepararán os actos do Luns Santo.
O Seminario acolle o sábado día sete, ás sete da tarde, unha Eucaristía en acción de grazas, pola recente asinatura (22 de xaneiro) do decreto que declara «venerable» a Luis de Trelles e Noguerol, fundador da Adoración Nocturna. A Eucaristía estará presidida polo bispo Mons. Alfonso Carrasco Rouco. Seguidamente, no salón de actos do mesmo Centro, dará comezo a asemblea anual regulamentaria con informes da Xunta directiva. Finalizará coa degustación dun viño no mesmo Seminario.
Semana Vocacional no Colexio A Milagrosa
Entre os días 6 e 13 de marzo hai unha serie de actividades solidarias no Colexio A Milagrosa, das Fillas da Caridade en Lugo:
-
Oración, o día 6 ás 11h
- Sorteo dunha camiseta e un balón, asinado polos xogadores, do Clube Baloncesto Breogán.
-
“Rastrillo”
Horario: Sábado 7 de marzo (11:30 – 13:30) (18:30 – 20:30)
Domingo 8 de marzo (10:00 – 14:00) (18:30 – 20:30)
Luns, martes, mércores e xoves (13:30 – 18:00)
O diñeiro recadado vai destinado a financiar os proxectos solidarios programados pola Pastoral do colexio, tendo prioridade os alumnos con necesidades.
Canción Misioneira. O venres 13 clausúrase a Semana Vocacional coa celebración do Festival da Canción Misioneira.
Nova xornada do Curso de Formación en Matrimonio e Familia
A segunda xornada deste 2º ano do Curso de Formación en Matrimonio e Familia (2015) será o vindeiro sábado 7 de marzo en Silleda. O seu título é “A educación afectiva e sexual na familia: ser pais”, e a relatora principal é a doutora Nieves González Rico.
No apartado de experiencias, a partir das 17:30, o plan previsto é:
Ademais de coñecer as Fundacións Desarrollo y Persona e COF Diocesano de Valladolid, que serán presentados por Nieves González, tamén haberá representantes doutras dúas realidades interesantes:
Proxecto Raquel España (por video-conferencia): Maria José Mansilla
Red Madre Galicia: Mónica Fernández
Nesta xornada búscase capacitar a pais, profesores e axentes de pastoral para abordar a sexualidade desde unha perspectiva que responda aos desexos máis profundos do corazón humano.
9 días de Xavier. Novena da Graza
Entre os días 4 e 12 de marzo, a parroquia de San Francisco Xavier de Lugo acolle a Novena da Graza.
Horario da Novena
Mañá
7:30 Rosario e procesión
8 00 e 12:00 Novena e Eucaristía
Tarde
18:00 Rosario
18:30 e 20 00 Novena e Eucaristía
Domingo: 10:00, 11:30, 12:30 e 18:30h
Predicador: Rvdo. D. Juan Antonio Fraile, misioneiro comboniano
Actos especiais
Día 6: Unción de enfermos ás 16:30 h
Día 7 Dedicado á Virxe, procesión de antorchas logo da Eucaristía das 20:00 h.
Día 8: Procesión desde o Barrio de Montirón ás 9:30h
Día 10. Celebración comunitaria do perdón ás 19:00 h
Darase a venerar a reliquia do santo nas eucaristías.
Confesións en todos os actos. A Novena retransmítese por COPE