Diocese

I Xornadas Católicos e Vida Pública

I Xornadas catolicos e vida publica 2

Os días 30 e 31 de xaneiro no Gran Hotel Lugo terán lugar as I Xornadas Católicos e Vida Pública, baixo o título “Católicos, Sociedade e Política. Compromiso e coherencia”, co seguinte programa:

Venres 30

19:00 h. Inauguración

19:30 h. Conferencia O compromiso sociopolítico do cristián

Relator: D. Raúl Mayoral Benito, Adxunto á Presidencia da Fundación Universitaria San Pablo CEU. Director Gerente do Patronato da Fundación Cultural Angel Herrera Oria.

Sábado 31

10:00 h. Conferencia Crise política, crise económica e crise social: unha visión desde a doutrina social da Igrexa

Relatora: D.ª Elena Otero-Novas Miranda, Avogada do Estado. Patrono da Fundación Universitaria San Pablo CEU. Secretaria Xeral do Consello de SACYR.

11:30 h. Descanso

12:00 h. Mesa Redonda Os católicos: espectadores ou protagonistas? Participación na vida pública

Modera: D. Alfredo Losada Suárez, Delegado do Apostolado Segrar da Diocese de Lugo.

Relatores: D. José Vázquez Portomeñe, Licenciado en Dereito, Subdelegado do goberno en Lugo ata 2012.

D. José Juan Videla Rodríguez, Doutor en Ciencias da Información e Decano da Facultade de Ciencias da Comunicación da Universidade da Coruña.

D. José Mª. Núñez Pérez, Licenciado en Dereito. Delegado da Axencia Tributaria de Lugo.

14:00 h. Clausura

16:30 h. Acto Cultural (visita á Catedral)

18:30 h. Visita libre pola cidade de Lugo

20:00 h. Eucaristía na Catedral Presidida polo Bispo de Lugo, Mons. D. Alfonso Carrasco Rouco, .

Actos na Diocese a prol da unidade dos cristiáns

 Unidade cristiáns mesa redonda 008

Martes 20 de xaneiro, ás 20:00, no salón de actos da Deputación Provincial de Lugo, mesa redonda Os cristiáns ante a corrupción, integrada polo médico, teólogo e membro da Alianza Evanxélica Española, Manuel Suárez (segundo pola esquerda), e polo doutor en teoloxía, licenciado en historia e profesor de secundaria, Íñigo Arranz (segundo pola dereita). Foron presentados polo pastor evanxélico Marcos Zapata (esquerda) e polo Delegado de Apostolado Segrar Alfredo Losada (dereita). Manuel Suárez reclamou máis protagonismo para a sociedade civil e Íñigo Arranz baseou a súa intervención en 5 conceptos: paixón, compaixón, razón, liberdade e acción.

Sábado 24 de xaneiro, ás 19:00, celebración ecuménica na igrexa parroquial da Régoa, de Monforte de Lemos.

Domingo 25 de xaneiro, ás 17:30, celebración ecuménica na parroquia de Santiago A Nova, de Lugo. Despois, compartirase unha merenda na igrexa evanxélica Boas Noticias, na rúa Emilia Pardo Bazán, 4-6 (a carón da capela de San Roque).

Celebración da Infancia Misioneira

INFANCIA 595
Durante a penúltima semana de xaneiro, a Delegación de Misións da diocese está animando a vivir a Infancia Misioneira en colexios, parroquias e diversas comunidades eclesiais. Para iso cóntase coa colaboración do misioneiro espiritano Benedicto Sánchez. Nacido en Navalcán (Toledo) en 1951 foi destinado a Angola en 1986. Entre os actos programados para esta semana, destacamos os seguintes:
O mércores 21 ás 19:30h haberá un encontro con catequistas e profesores na Parroquia San Francisco Xavier. Falarase sobre a educación de nenos e mozos a partir da experiencia e traballo do misioneiro.
O venres 23 na igrexa de San Antonio, Lugo, a partir das 18h están convocados nenos de todo Lugo. É como un envío.
O propio día da Infancia Misioneira, o domingo 25, haberá ás 12:30h unha Misa de nenos en San Francisco Xavier.

Reanúdase o Curso de Formación en Matrimonio e Familia

Os días 17 de xaneiro e 7 de marzo ten lugar en Silleda o Módulo de Educación Afectivo-sexual, que tamén forma parte  do 2º ano do Curso de Formación en Matrimonio e Familia. A primeira sesión, o día 17, terá os seguintes relatorios e comunicación de experiencias:

  • 1º relatorio – Cuestións clave en bioética hoxe en que afectan ao meu matrimonio e á miña familia

  • 2º relatorio – A sexualidade como camiño de plenitude: a maduración da masculinidade e a feminidade

  • 3º Relatorio-coloquio: Mensaxes integradas: como responder ás preguntas sobre educación sexual a fillos de cinco a dezaoito anos

  • Experiencias: Acompañando aos mozos na vocación ao amor: experiencias na etapa universitaria (Residencia Universitaria A Estila, Santiago de Compostela)

    Tamén haberá traballo en grupos, momentos de oración e unha Eucaristía cando finalice a xornada.

    O encargado dos relatorios é o Catedrático de Medicina Preventiva e Saúde Pública, Jokin de Irala.

Celebracións de San Antón Abade

No soto da Praza de Abastos de Lugo o día 16 ás 18h o Padre Amado impartirá a Bendición aos animais.

O sábado 17 de xaneiro ás 17h na Capela da Soidade hai unha Eucaristía en honra de San Antón Abade. Trala Misa faráse a imposición do santo aos presentes e a bendición de animais. Son actos organizados pola Orde Franciscana Segrar.

O mesmo día a aldea da Cubela celebra a festa en honor a San Antonio. Procesión e misa solemne á 1 da tarde.

Tamén o 17 de xaneiro, ás 13:30h antes da Eucaristía na honra de San Antón, haberá bendición de animais no adro da igrexa do Hospital, Quiroga.

A %d blogueros les gusta esto: