O domingo 22 de xuño, ás 11 h na Catedral, celebrouse a Solemne Eucaristía de Corpus. Despois da celebración, todos os movementos, asociacións, confrarías, representantes das parroquias e de colectivos doutros países con presenza na nosa Diocese, acompañados dun grupo de gaiteiros, participaron na procesión de Corpus. Este ano, por diversas circunstancias, só percorreu os arredores da Catedral e terminou coa exposición do Santísimo e a bendición desde o balcón do pazo Episcopal, na praza de Santa María. Como todos os anos asistiron o alcalde e varios membros da corporación municipal acompañados pola banda municipal.
Diocese
Sor Amparo e o mundo das présas! 60 anos de vocación!
O 26 de xuño Sor Amparo cumpre 60 anos de vocación. Sor Amparo é unha relixiosa Filla da Caridade de San Vicente de Paúl que está na comunidade do Colexio da Milagrosa, á beira da Parroquia de San Froilán.
Ver a Sor Amparo é moi difícil, porque anda sempre á velocidade da luz. Isto é o que fai que o tempo lle renda o dobre. Podemos dicir que cumpre 120 anos de vocación e non 60.
A súa paixón son os nenos do Colexio e as actividades de pastoral con eles. Desvívese cada vez que hai algunha celebración especial cos nenos na parroquia. Sería impensable a celebración de San Vicente de Paúl, o Nadal, a Coresma, o día de María, o final de curso sen a presenza de Sor Amparo.
Grazas, en boa medida, a Sor Amparo os nenos do colexio da Milagrosa levan no seu interior unha pequena semente que se cadra un día xerminará. É asemente da Fe en Xesucristo e o amor a María, a Milagrosa…
E non é pouco nin calquera cousa! que nos tempos de hoxe uns nenos leven unha referencia ao transcendente no testemuño desta Filla de Caridade que poida dar unha consistencia maior á súa vida o día de mañá.
Nestes 4 anos que levo na parroquia tiven ocasión de compartir moitos momentos con Sor Amparo. Falamos do divino e o humano. E sei que estaría disposta a dar a vida para que ningún destes pequenos “se perda”.
60 anos de vocación e de virxinidade consagrada ao Señor pero moi frutífera. A súa descendencia multiplicouse como as areas do mar.
Grazas Sor Amparo por espabilarnos, por “meternos présa”, por falarnos de Deus.
Miguel Ángel Álvarez Pérez
Párroco de San Froilán
I Festival Internacional de Órgano do Corpus Christi de Lugo
Dentro das actividades do III Encontro Eucarístico Lucense, están programados varios concertos de órgano.
Programa
Venres 20 de xuño de 2014 Santuario do Cebreiro
16:30 Primeiro concerto: Johannes Skudlik
Domingo 22 de xuño S. I. CATEDRAL BASÍLICA
20:45 Segundo concerto: Wladimir Matesic
Mércores 25 de xuño Parroquia de SANTIAGO A NOVA
20:30 Terceiro concerto: Lida Basterretxea Vila (voz), Giulio Mercati (órgano)
Venres 27 de xuño S. I. Catedral basílica
20:45 Cuarto concerto. Miquel González
O cardeal D. Antonio Cañizares, na primeira xornada do Encontro Eucarístico Lucense
O 19 de xuño deu comezo o III Encontro Eucarístico coa conferencia inaugural do cardeal D. Antonio Cañizares, que calificou a Eucaristía non como un don máis que recibe a Igrexa, senón como o don por excelencia, don do mesmo Cristo, da súa persoa.
Outro dos aspectos da Eucaristía resaltados por D. Antonio Cañizares é o da unión, non só da Igrexa, senón tamén da sociedade. Ademais, unha maior devoción eucarística daría máis paz ao mundo. Máis aínda, o futuro da humanidade depende da Eucaristía, e como esta non é posible sen sacerdotes, estes tamén fan posible o futuro. O cardeal Cañizares referiuse tamén á celebración eucarística fóra da Misa sinalando que desde o ano 2000 vese un rexurdir masivo en moitas partes do mundo da adoración perpetua.
III Encontro Eucarístico Lucense
Programa
19 de xuño de 2014
Salón de Actos da CASA DO SABER Praza de Pío XII, 5
18:00 Presentación do III Encontro Eucarístico Lucense
18:30 Conferencia inaugural
“A Eucaristía, corazón pulsante da Igrexa”Cardeal D. Antonio Cañizares
S. I. Catedral basílica
20:00 Xoves Eucarístico. Eucaristía e Procesión
Venres 20 de xuño de 2014 Santuario do Cebreiro
Clausura do curso pastoral 2013-2014
11:30 Conferencia “A Adoración Eucarística, base dunha nova evanxelización” polo Cardeal D. Antonio Cañizares
13:15 Celebración Eucarística
16:30 Primeiro concerto do I Festival Internacional de Órgano. Johannes Skudlik
Sábado 21 de xuño de 2014 Edificio Administrativo da Xunta de Galicia en Lugo
12:00 Concurso de fotografía: Eucaristía e patrimonio relixioso en Lugo. Entrega de premios e inauguración da exposición de fotografía
Domingo 22 de xuño
Praza de Santa María 11:00 Eucaristía. Solemnidade do Corpus Christi
S. I. CATEDRAL BASÍLICA
20:45 Segundo concerto do I Festival Internacional de Órgano. Wladimir Matesic
Mércores 25 de xuño
Parroquia de SANTIAGO A NOVA
20:30 Terceiro concerto do I Festival Internacional de Órgano. Lida Basterretxea Vila (voz), Giulio Mercati (órgano)
Xoves 26 de xuño
Praza de Santa María 21:00 Recital poético-eucarístico
Venres 27 de xuño
S. I. Catedral basílica
20:45 Cuarto concerto do I Festival Internacional de Órgano. Miquel González