Exposición “350 anos da Ofrenda do Antigo Reino de Galicia a Xesús Sacramentado na Catedral de Lugo” no Museo da Semana Santa de Ferrol

O martes 17 de decembro ás 19:30 h inaugúrase no Museo da Semana Santa de Ferrol a exposición “350 ANOS DA OFRENDA DO ANTIGO REINO DE GALICIA A XESÚS SACRAMENTADO NA CATEDRAL DE LUGO”, con motivo de cumprirse neste 2019 os trescentos cincuenta anos do inicio do proceso que xerou a Ofrenda anual que seguen facendo en Lugo cada infraoitava do Corpus as cidades da Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.

No acto de inauguración estarán o deán da Catedral de Lugo, Mario Vázquez Carballo, o director do do Centro Eucarístico Lucense, José Antonio Ferreiro e o presidente do colectivo Exeria Xulio Xiz. Este colectivo é o promotor da exposición, e conta co apoio das institucións mencionadas, ademais da Xunta de Galicia.

A mostra está composta por 12 paneis dobres (galego por unha cara e castelán pola outra), e ten carácter itinerante. Estivo nas sete capitais do antigo reino de Galicia, e están previstos novos traslados nos vindeiros meses.

Deixa un comentario

Este sitio emprega Akismet para reducir o spam. Aprende como se procesan os datos dos teus comentarios.

A %d blogueros les gusta esto: