Igrexa

31 de maio, xornada «Enxugar as bágoas»

O departamento de Pastoral da estrada convoca para o 31 de maio a xornada «Enxugar as bágoas». Trátase de acompañar, rezar e dar unha palabra de alento e de esperanza ás persoas que viven coas secuelas de sufrir un accidente de tráfico e ás familias que perderon a un ser querido na estrada. Elixiuse como data o 31 de maio, día no que se celebra a Visitación da Virxe a Santa Isabel.

O director do departamento de Pastoral da Estrada, José Aumente, presidirá a Eucaristía o 31 de maio ás 11.00 horas na Basílica da Concepción de Madrid, retransmitida por TRECE TV.

[Materiais]

Día do mundo rural

Un dos valores definitorios do mundo rural é o ben común. E o coidado da terra foi considerado como algo inherente á súa forma de ser, pois se alguén está pegado á terra, esas son as persoas que aínda viven nas aldeas.

Os militantes dos movementos rurais cristiáns lembran a necesidade de ter sempre presente a encíclica Laudato Si´ como luz e guía tanto para a misión como para as propias estruturas. Tamén consideran que o traballo por unha ecoloxía integral non debe quedar en discursos baleiros, senón que será unha tarefa que redunde en beneficio de todos, especialmente dos máis débiles do noso mundo.

[Manifesto completo]

13 de maio, Día da Unión Mundial das Organizacións Femininas Católicas (UMOFC)

Este ano conmemorarase de maneira especial, pois o 13 de maio as mulleres da UMOFC están convidadas a unha audiencia privada co Papa Francisco, que se dirixirá a elas cunha mensaxe que escoitarán persoalmente e despois transmitirán a todas as mulleres católicas do mundo.

13 de maio, Día Mundial do Comercio Xusto

Baixo o lema “Séntalle ben a todo ao mundo”, Cáritas únese á celebración do Día Mundial do Comercio Xusto e chama a atención dos consumidores ante as condicións abusivas de traballo, a explotación infantil ou a destrución de bosques que, en moitos casos, escóndense detrás de produtos como o café, o cacao, o azucre, o té ou a roupa.

A través da súa Rede de Comercio Xusto, na que participan 24 Cáritas Diocesanas, Cáritas está a contribuír á transformación deste modelo inxusto de comercio que dana ás persoas e o planeta.

A celebración do Día Mundial do Comercio Xusto está promovida España pola Coordinadora Estatal de Comercio Xusto (CECJ) da que Cáritas forma parte.

Día da Irmandade Obreira de Acción Católica – Galicia

O 6 de maio celebrouse na parroquia de San Francisco Xavier de Lugo, o día da Irmandade Obreira de Acción Católica (IOAC).

Nun ambiente festivo dialogouse sobre o tema proposto este ano desde a HOAC xeral, “Tecer vínculos de fraternidade no mundo obreiro e do traballo”.

A continuación, Eloina Ingerto presidenta da EAPN Galicia (Rede contra a pobreza), falou sobre a campaña de vivenda digna e accesible que están a traballar neste momento.

Á hora do descanso e tomando un café de comercio xusto, uniuse o Bispo de Lugo que  a continuación presidiu a Eucaristía.

Na sobremesa do xantar compartido dialogouse de xeito relaxado sobre a asemblea xeral  de agosto e compartíronse as experiencias que se viven nos distintos sectores nos que traballa IOAC: migrantes, xitanos, muller, presos…

A %d blogueros les gusta esto: