Entre os días 21 e 23 celebrase un mercado benéfico na Praza do Convento a favor de Cáritas. Os obxetos que se poden mercar a prezos económicos son doados por comercios, empresas e particulares. Colaboran coa organización o Concello de Melide, a parroquia de San Pedro de Melide e Cáritas Melide.
Parroquias
Nadal solidario na parroquia de San Clodio de Ribas de Sil
-
Día 22: Pregón do Nadal ás 18:00h a cargo de Don Miguel Ángel Álvarez Pérez, párroco de San Froilán (Lugo)
-
Día 25 ás 12:00h: Misa e escenificación do Nadal a a cargo dos nenos da parroquia.
-
Día 29: Concerto Solidario con Guatemala ás 18:00h con Celso Fernández, contacontos e a Coral de Quiroga
Festival de Nadal da parroquia de San Francisco Xavier
O sábado 15, a partir das 5 da tarde e ata as 8, o Centro social de Fingoi acolle un festival organizado pola parroquia de San Francisco Xavier. Entre outras intervencións estarán as seguintes: coros parroquiais, o cantante Pachi, happening de xoves cristiáns da Diocese, grupo de música tradicional A Xistra (Pedrafita). Durante o acto sortéase unha cesta de Nadal en beneficio de Cáritas.
Novenas en honra a Santa Lucía
O día 5 de decembro, comeza a novena en honra a Santa Lucía na catedral de Lugo. A patir das 19.15 h novena, rosario e misa. O día 13, festividade de Santa Lucía, haberá misas no altar desta santa durante todo o día.
Tamén na parroquia de San Xoán Bautista de Furelos (Melide) se celebra a novena en honra de Santa Lucía; con gran arraigamento e devoción por parte dos fieis da zona.
Reunión de maiores de Samos
Reanúdanse no mes de outubro as xornadas de convivencia de maiores, despois das tres realizadas a principios deste ano 2012. O día 28 de outubro será cando un grupo de maiores de Samos realicen actividades en común e compartan vivencias. Todo isto organízao a Fundación O Noso Lar no Priorato (Campos, Val de Lóuzara). Dentro de tres semanas, o 18 de novembro, esta actividade lévase a cabo en Lousada e repítese no Priorato dentro de un mes.