Como vén facendo desde hai 33 anos ininterrompidamente, a Hospitalidade da Nosa Señora de Lourdes da Diocese de Lugo organizou unha peregrinación diocesana ao santuario francés desde o pasado luns día 1 ao venres día 5 de xullo. Nela participaron un total de 542 peregrinos, acompañados de 26 sacerdotes, 2 diáconos, 5 seminaristas maiores e unha gran parte dos compoñentes da xunta directiva da Hospitalidade, que viaxaron en dez autobuses. Os peregrinos participantes son: enfermos, persoal sanitario, hospitalarios e peregrinos, todos eles socios da Hospitalidade diocesana.
A peregrinación estivo presidida polo Vigairo Xeral da Diocese, José Mario Vázquez Carballo.
Houbo unha nutrida representación xuvenil: 39 nenos e mozos de distintos puntos da Diocese. O día 3 de xullo, os peregrinos da Hospitalidade de Lugo foron os encargados de acompañar o paso coa imaxe da Virxe de Lourdes.
