Mans Unidas

A Campaña do ano 2015 invita a facer balance sobre o logro dos 8 Obxectivos de Desenvolvemento do Milenio propostos por Nacións Unidas, precisamente para cumprir neste ano. A loita contra a pobreza é unha tarefa das nacións, pero, tamén, de cada persoa.

O Día do Xaxún Voluntario lembra aos millóns de persoas no mundo que teñen que xaxuar a cotío por obrigación, por non ter que comer. A Delegación de Mans Unidas da Diocese de Lugo tamén se solidariza con eles, organizando unha Eucaristía o 6 de febreiro ás 18:20 horas na capela do Seminario Diocesano e a continuación sobre as 19:00 horas unha merenda solidaria con donativo de cinco euros no comedor do mesmo lugar.

A colecta de todas as igrexas de España do sábado 7 e domingo 8 de febreiro, destínase íntegramente aos fins, misión e proxectos de Mans Unidas. Este ano os dous proxectos que financia Mans Unidas Lugo son:

– en Ghana a construción dun pabellón cirúrxico, e outro

– na India a mellora da situación sanitaria en 15 pobos.

Durante esta semana o misioneiro do IEME Claro Jesús Díaz Pérez está percorrendo colexios, parroquias… da Diocese dando a coñecer a presenza da Igrexa entre os máis pobres, neste caso entre os empobrecidos de Nicaragua.

[Ver manifesto]

Desde o pasado día 24 de novembro e ata o 16 de decembro Mans Unidas Lugo instala o seu tradicional Recuncho de Nadal na cidade de Lugo. Nesta ocasión, está na rúa San Pedro, 9, co seguinte horario: de 11 h. a 13:30 h. (mañás) e de 17 h. a 20:30 h. (tardes) de luns a venres laborables, e de 11:00 h. a 13:30 h. os sábados non festivos.

Todo o diñeiro recadado destínase aos dous programas financiados este ano por Mans Unidas Lugo: en Sudán do Sur rehabilitación e equipamiento de catro escolas de ensino secundario, e en Guatemala defensa do dereito a unha vivenda digna para poboación en extrema pobreza.

As persoas interesadas en colaborar con esta iniciativa poden pasar pola r/ San Pedro nas horas de apertura ao público sinaladas anteriormente, ou ben poñerse en contacto coa Mans Unidas no teléfono 982 25 55 67.

Mans Unidas Lugo  coa acción “Acende a chama. 24 horas que moven o mundo”, quere fomentar a solidariedade polo desenvolvemento auténtico de cada ser humano e, especialmente, dos máis pobres.

Por isto, a Delegación lucense de Mans Unidas invita a participar a toda a cidadanía na Concentración Solidaria, do vindeiro xoves 30 de outubro de 2014, ás sete da tarde, na Praza Maior de Lugo. Acenderánse velas, previamente entregadas aos presentes, do mesmo xeito que en lugares diversos do resto de España, como parroquias, prazas, centros culturais, colexios… Trátase de identificar a luz como un impulso para o compromiso solidario polo desenvolvemento, a xustiza e a igualdade; e invítase a acender unha vea porque entre todos, pódese alumar un mundo máis xusto, equitativo e solidario, xa que a luz ilumina e simboliza a nosa participación nese proxecto común.
Desde as cinco e media da tarde instalarase unha mesa con información no mesmo lugar.

Mans Unidas Lugo organiza o 14 de maio unha conferencia sobre seguridade alimentaria no noso mundo globalizado.

A conferencia será impartida por Marco Gordillo (@magordilloz) no salón de actos da Fundación Novagaliciabanco (Lugo) ás 20:30h. Marco Gordillo é coordinador de campañas e redes de Mans Unidas.

Mercado solidario

Ata o día 29 de maio de 2014, a Delegación de Mans Unidas da diocese de Lugo volve instalar o seu tradicional Mercado solidario. Nesta ocasión está na rúa Bolaño Rivadeneira 19. O horario de atención ao público será de 11:00 h. a 13:30 h. (mañás) e de 17:00 h. a 20:30 h. (tardes) de luns a venres laborables, e de 11:00 h. a 13:30 h. (mañás) os sábados non festivos.