peregrinación
Peregrinación diocesana de Lugo a Lourdes
Do 29 de xuño ao 3 de xullo terá lugar a peregrinación Diocesana de Lugo a Lourdes co lema Lourdes: a alegría da misión. Máis de 600 peregrinos saen en autobuses de Lugo, Silleda-Lalín, Chantada, Escairón, Monforte, Poboa de Brollón, Sarria, Rábade, Viveiro, Terra Cha, Meira, A Fonsagrada e Monterroso.
Encabeza a peregrinación o Bispo da Diocese, Mons. Alfonso Carrasco Rouco.
Entre outros, haberá os seguintes actos en Lourdes: Misa de presentación; Vía Crucis no Monte; Eucaristía Internacional na Gruta; Procesións; excursións ás famosas Covas de Lourdes, aos Pireneos; festa de convivencia; Eucaristía de despedida.
Todos os participantes na peregrinación son socios da Hospitalidade, polo menos durante o ano 2015, ata a asemblea do 2016.
Peregrinación xuvenil ao santuario do Faro
O venres día 26 ás 19 h mozos de toda Galicia concéntranse no pavillón Municipal de Chantada, para despois trasladarse á Parroquia onde haberá un concerto – oración. Ao terminar vaise durmir ao pavillón.
O sábado día 27 iníciase co almorzo, logo haberá exposición dun tema e seguidamente unha reunión por grupos. Ao terminar, xunto aos que se suman ese mesmo día, comézase a peregrinación. Ao chegar ao Faro haberá música, oración e para terminar a Eucaristía que presidirá o bispo Mons. Alfonso Carrasco.
Quen vaian o venres deberán levar: saco de durmir, cea do venres, almorzo e comida do sábado e roupa cómoda.
Quen non poidan asistir o venres, poderán incorporarse o sábado pola mañá na explanada que hai na estrada de Chantada a Rodeiro e deberán levar: comida do sábado e roupa cómoda.
Peregrinacións parroquiais a Italia e Ávila
A parroquia de San Clodio organiza unha peregrinación a Ávila do 30 de abril ao 4 de maio. O 1 de maio visítase Madrid, o día 2 os lugares nos que se estará son Ávila e Alba de Tormes e o día 3 os fregueses de San Clodio aproveitan a viaxe de regreso para coñecer Toro.
A parroquia Santiago A Nova organiza unha peregrinación a Italia desde o 30 de abril ao 5 de maio. Ademais de Roma, tamén se estará en Pisa, Milán e Turín.
Esta última parroquia de Santiago A Nova organiza conxuntamente coa de Quiroga o Campamento Parroquial Campanova, para mozos e mozas a partir dos 10 anos. Será entre o 28 de xuño e o 5 de xullo de 2015 no Acampamento Courel (Esperante-Courel -Lugo-).
Peregrinación diocesana a Ávila
O programa foi o seguinte:
Día 17 de abril: Chegada ao hotel en Salamanca. Distribución de habitacións e tempo libre. Cea e aloxamento
Día 18: Pola mañá visita da histórica cidade de Salamanca co guía oficial. Trala comida, partiuse rumbo Alba de Tormes, localidade na que se visitou a Basílica de Santa Teresa e o Mosteiro da Anunciación (onde se conserva o corpo incorrupto de Santa Teresa de Xesús). Celebración da Eucaristía. Regreso ao hotel para cear e descansar.
Día 19: Visita da exposición “Las Edades del Hombre”. Eucaristía do V Centenario de Santa Teresa na Catedral de Ávila. Trala comida visitáronse os diversos lugares teresianos e os principais monumentos da cidade de Ávila. Regreso a Lugo
O Ano Xubilar Teresiano (15 / X / 2014 – 15 / X / 2015) faise para todas as dioceses de España con ocasión do V Centenario do nacemento de Santa Teresa de Xesús. Os fieis poden lucrarse da Indulxencia Plenaria unha vez ao día para si mesmos ou aplicalas polas almas dos fieis aínda no Purgatorio se asisten a algún rito sagrado, ou polo menos oran ante unha imaxe de Santa Teresa, rematando esta oración co Nosopai, o Credo e invocando a Virxe María e Santa Teresa de Xesús. Ademais de Ávila, pode lucrarse a indulxencia nos seguintes lugares da diocese lucense:
− Santa Igrexa Catedral Basílica de Lugo.
− Mosteiro da Santa Trindade das Monxas Carmelitas Descalzas de Muxa.
− Santuario da Nosa Señora do Corpiño.
− Capela da Nosa Señora do Carme de Melide.
− Igrexa parroquial de San Xoán de Becerreá.