Na igrexa de Santa María de Bolmente, en Sober o martes 31 de outubro, ás 17:30 h, cóntase coa presenza da restauradora Dolores Lago Arce e tamén coa historiadora local Saleta López Vázquez, para falar sobre a restauración que se levou a cabo do retablo maior da igrexa parroquial.
Saleta López contará a historia que atopou nos libros sobre o retablo de Bolmente, sobre o seu autor, e sobre a súa construción. E por outro lado, a restauradora María Dolores Lago, falará de como se realizan os procesos de restauración, os pasos importantes, e cales son os criterios de conservación á hora de afrontar unha tarefa en patrimonio histórico artístico.
É un acto que organiza a Parroquia en colaboración co Departamento de Patrimonio Histórico Artístico da diocese de Lugo.
A restauración promoveuna o párroco, Ramón Piñeiro, e foi financiada polos fregueses de Bolmente.
Este tipo de actos realizánse por segundo ano consecutivo, enmarcados nas Xornadas europeas de patrimonio. Unas xornadas creadas polo Consello de Europa, que se centran na difusión, e sobre todo no contacto entre a sociedade civil e os propietarios ou os encargados da custodia efectiva da protección do patrimonio. Trátase de promover a idea de que o patrimonio é unha peza fundamental da nosa sociedade.