Xubileu dos noivos e comprometidos no Corpiño

O domingo, 10 de xuño, celebrouse o último Xubileu do Ano Santo Mariano; que foi dedicado nesta ocasión aos noivos e comprometidos e que tivo gran afluencia de fieis.

Sobre as 11:45 h atopábanse na Carballeira do Santuario o Reitor e os devotos cos peregrinos que chegaban de realizar o Camiño dos pastorciños, para impartir a bendición e iniciar a procesión cara á Porta Santa. Ás 12:00 h empezaba a Santa Misa, por todos os noivos e comprometidos. Ao finalizar impartiuse a bendición a todos os presentes.

Aínda que non hai máis xubileus programados no Santuario; todo o que queira poderá gañar o xubileu ata o domingo 24 de xuño, día en que conclúe o Ano Santo e realizarase a Coronación Pontificia da Benaventurada Virxe María do Corpiño.

Para conseguilo é necesario:

– Confesar

– Comulgar

– Rezar polas intencións do sumo Pontífice

– E orar ante a imaxe da Virxe María do Corpiño

Tamén, ata o 24 de xuño, poderán obterse os certificados de peregrino.

Deixa un comentario

A %d blogueros les gusta esto: