Xornada da Familia e Inauguración do COF Diocesano

Inauguración del COF Diocesano

O 23 de febreiro de 2013 tivo lugar unha Xornada adicada á Familia baixo o título: “A familia, porta e pilar da fe”. Comezou ás dez da mañá cunha oración e presentación dado día.  Ás 10.15, Nieves González Rico,  foi a encargada da primeira ponencia:  “Os COF como promotores dos bens fundamentais”. Ás 11.30  entregáronse os premios do concurso do logotipo e fíxose un descanso. Mons. Sánchez Monge , bispo de Mondoñedo-Ferrol, ás 12.00, fíxose cargo da  segunda ponencia: “Aportacións da Pastoral Familiar á vida Cristiana”.

Ás 13h. Rematou a Xornada da Familia cun acto institucional no que se  inaugurou o COF. Interviron: o Bispo, Alfonso Carrasco Rouco, o Subdelegado do Goberno en Lugo, Ramón Carballo,  a Xefa Territorial da Consellería de Benestar Social e Traballo, Marta Barreiro, o Delegado diocesano de Familia, Rodrigo Rúa, e o Director do COF,  Martiño Rodríguez.

Alberto Riádigos e Daniel Gil serán ordenados sacerdotes o día 23

Ordenacións Daniel e Alberto diáconos
Alberto e Daniel cando ían ser ordenados diáconos

Daniel Gil González e Alberto Riádigos García son dous seminaristas que serán ordenados sacerdotes polo Bispo de Lugo o 23 de febreiro ás 17.30 na Catedral. Naturais de Lalín, colaboraron pastoralmente en varias parroquias.

Palabras de Alberto: “Sumamente compracido, entregueille a Xesús a miña vida. Á fin e ao cabo, El concedeuma desde un principio; El rescatouna, conquistándoa para si, cando eu estaba a piques de perdela; e El volveuna a poñer dentro de min, esta vez, enriquecida coa súa mesma Vida”.

Palabras de Daniel Gil: “No Seminario decateime de que non vou ser eu o que estimule os corazóns dos demais fieis, senón que será El quen, a través de min, manifeste todo o seu amor. Eu só serei mero instrumento nas súas mans, como unha tinta indeleble coa que poida escribir nas páxinas da historia”.

Exercicios espirituais para universitarios

Exercicios espirituais para universitarios galegos

Estes exercicios espirituais (desde a experiencia ignaciana) comezan o venres 15 ás 6 da tarde e rematan o 17 ás 5 da tarde. Están organizados polas delegacións de pastoral universitaria das dioceses galegas baixo o lema “O camiño da fe: máis nos feitos ca nas palabras.

Diríxeos o P. Francisco José Varela Lozano, que comezou a formarse na Escola de  Exercicios Espirituais do Centro de Espiritualidade “San Ignacio” de Salamanca

A %d blogueros les gusta esto: