Vida e actualidade da Diocese de Lugo
A Nosa Voz A Delegación de Misións da Diocese, organiza o 9 de outubro, ás 19 h na parroquia de San Pedro de Lugo un Vía Crucis polos cristiáns perseguidos.
O domingo día 11 ás 12.30 h, na mesma parroquia, o Bispo da Diocese, Mons. Alfonso Carrasco Rouco, presidirá a Eucaristía para unirse á petición do Papa Francisco de rezar polos miles de cristiáns que sofren persecución en todo o mundo.
O sábado 10 de outubro ás 11 h celébrase unha Eucaristía presidida polo Sr. Bispo Mons. Alfonso Carrasco.
O Colexio da Asunción é un centro concertado de infantil, primaria e secun-daria. É un centro católico, aberto a todos e especialmente aos que máis o necesitan. No Colexio da Asunción fórmanse dun xeito integral homes e mulleres que contribúan a unha sociedade máis xusta, en concordancia cos valores cristiáns. O centro tamén oferta servizos como garda, comedor ou actividades extraescolares, que axudan ás familias na conciliación.
O xoves 8 de outubro inaugurouse oficialmente o curso pastoral 2025 – 2016 na Catedral de Lugo, cunha Eucaristía presidida polo señor Bispo, Mons. Alfonso Carrasco.
Na homilía Mons. Alfonso Carrasco Rouco considerou que hai razóns para iniciar con alegría todos xuntos o novo curso. A historia na que estamos é boa; así pois, a meta será boa. Tamén sinalou que “a pedagoxía divina é humana, boa, prudente e pacífica”.
A Delegación de Misións programou o 7 de outubro unha conferencia de D. Santiago Agrelo, arcebispo de Tánger, que realiza o seu labor pastoral na fronteira tanto con cristiáns como con musulmáns.
D. Santiago Agrelo, sinalou que África é o continente máis rico pero o que ten máis pobres. Algúns deles inician un periplo, en condicións espantosas, fuxindo da súa situación. Ante isto, en Europa hai autoridades civís, eclesiásticas, e tamén cidadáns, que só ven cuestións técnicas (cámaras de vixilancia, reconducir fluxos migratorios…). Pero os cristiáns non debemos poñer o centro na técnica senón no corazón. Desde a Revelación, desde o Evanxeo, máis que falar de inmigración, hai que falar de persoas, ante as que non podemos mostrarnos indiferentes, senón ser xustos, compasivos e hospitalarios.
Fronte á indiferencia, Santiago Agrelo invitou a ter estoutras actitudes: “Nunca veremos aos pobres se neles non nos vemos a nós mesmos”, “espero que na fronteira, á luz da fe, nos confundan cos pobres”.
O 7 de outubro ás 20:30 h comezan as catequeses para xoves e adultos que organiza o Camiño Neocatecumenal no salón parroquial da igrexa de San Froilán, Lugo. Os luns e mércores á hora mencionada ofrécese unha ocasión para achegarse a Xesucristo e á Igrexa dunha forma nova, coñecendo tamén a persoas “tocadas” por Cristo que viven a súa fe dun xeito revolucionario. O lema escollido para este curso é “Xesucristo ámate, deu a súa vida para salvarte e agora está vivo ao teu carón cada día, para iluminarte, para fortalecerte, para salvarte” (Evangelii Gaudium)