Vida e actualidade da Diocese de Lugo
A Nosa Voz A cadea de oración é na Parroquia de san Pedro (Lugo) o 23 de setembro ás 18 h e participan as Servas de San Xosé (Colexio) e as Obreiras de Xesús (Residencia Doce Nome de Xesús).
Consiste nunha oración pola Vida Consagrada e unha breve comunicación de ambas comunidades sobre o seu carisma.
Este sábado, 19 de setembro, en Silleda renóvase o Curso de Formación en Matrimonio e Familia organizado polas dioceses de Galicia. A xornada estará dirixida pola experta en Counseling e directora do Centro de Escoita San Camilo de Valladolid, Mónica Campos Alonso.
Tema: a relación de axuda no marco da pastoral familiar, habilidades e destrezas inspiradas na psicoloxía humanista e que permitirán afrontar mellor a tarefa educativa e de acompañamento.
O horario do día 19 é o seguinte:
10 h Presentación e relatorio “Que é a Relación de Axuda”? Como se pode aplicar no ámbito pastoral coas familias?
12.30 h Relatorio – Elementos básicos da Relación de Axuda. Actitudes e habilidades (2ª parte)
16.10 h Taller-coloquio: Casos prácticos enfocados ao acompañamento e a escoita de persoas adultas
17.25 h Taller-coloquio Casos prácticos: Acompañar e escoitar a adolescentes, mozos e persoas non-practicantes.
A partir das 18.45 h presentaranse unha serie de experiencias pastorais:
– Centro de Escoita San Camilo de Valladolid, que se dedica á acollida e acompañamiento a aquelas persoas que están pasando na súa vida por unha situación de sufrimento ou especial vulnerabilidade, e tamén para aquelas que desexan dar un paso no seu proceso de crecemento persoal.
– Proxecto Raquel (Fundación Spei Mater e Fundación COF Diocesano de Lugo) proxecto de axuda ás mulleres que sofren a Síndrome Post Aborto.
– Visión xeral da Pastoral Familiar. Teresa Martín Navarro (Membro do Equipo de Pastoral Familiar da Diocese de San Sebastián. Foi directora dos COF Diocesanos de Getafe e Palencia.
No santuario de Santa María Magdalena de Adai comezou o día 17 un triduo en honra da Virxe da Saúde.
Xoves día 17: Presidiu Daniel García García, Párroco de Albeiros e Cóengo da Catedral de Lugo.
Venres día 18: Presidiu José Antonio Ferreiro Varela, Párroco da Milagrosa e Delegado Diocesano de Liturxia.
Sábado 19: Presidiu Alberte Leiva Torreiro, Párroco de San Antonio de Padua e Profesor.
O día 20 houbo misas desde as nove da mañá e ás 13 horas foi a Misa Solemne, presidida por José Antonio Ferreiro Varela. Logo da Misa, bendicíronse chaves (de casa, negocios, coches), tivo lugar a procesión e deuse a bicar a imaxe da Virxe (foto superior).
Un total de 106 persoas de diversos puntos da Diocese lucense participaron na V peregrinación diocesana a Fátima entre os días 11 e 14 de setembro. Os peregrinos participantes foron: enfermos, persoal sanitario, hospitalarios e peregrinos, todos eles socios da Hospitalidade diocesana.
VENRES DÍA 11:
16:30 h: Visita á nova Basílica Subterránea e Celebración Comunitaria da Penitencia, na mesma (Capela da Resurreição).
19:15 h: Misa na Capela da Resurrección de Xesús (Basílica da Santísima Trinidade), presidida por Lugo.
21:30 h: Rosario e Procesión dos Fachos.
SÁBADO DÍA 12:
Pola mañá e pola tarde visitáronse de Lisboa e Estoril. Celebrouse unha Misa ás 15 h no Santuario de San Antonio de Padua (de Lisboa).
21:30 horas: Rosario e Procesión dos Fachos, con actuación de Lugo.
DOMINGO DÍA 13:
8 h: Via Crucis polo Caminho dos Pastorinhos.
10 h: Rosario na Capelinha.
11 h: Participación na Misa Internacional, con actuación de Lugo.
LUNS DÍA 14:
8 h: visita de Coimbra.
Visita a todo o conxunto de Bom Jesus. Pola tarde, visita ao gran Santuario de Sameiro, onde ás 17 h, celebrouse a Misa de Despedida.
Convén coñecer o que din os que aínda están en Siria. Son interesantes as declaracións do bispo Gregrorio III: “invocamos xunto co Santo Padre, a chama da esperanza, para que non se extinga nos nosos corazóns. Axudados e sostidos polas oracións do Papa e as súas iniciativas proféticas, audaces e evanxélicas, queremos permanecer nesta terra bendita, Siria, o berce do cristianismo”. O Patriarca tamén pediu ao Papa que “axude aos cristiáns sirios a permanecer en Oriente Medio”.
Mentres non chega a paz que lles permita aos sirios vivir dignamente na súa casa, necesítase unha cura de urxencia. As primeiras miradas diríxense á Igrexa Católica, que intentará axudar do mellor modo posible e de acordo coas súas posibilidades. Neste sentido, a Conferencia Episcopal xa ofreceu ao Goberno de España toda a colaboración das institucións da Igrexa.
Tamén me consta o ofrecimento de axuda de todo tipo de moitas persoas e familias lucenses. Grazas a Deus, aínda non temos o corazón totalmente endurecido. Durante os próximos meses teremos a oportunidade de pasar das palabras aos feitos.
Pero a urxencia do momento e unha aparente traizón dos nosos sentimentos non nos poden facer esquecer a orixe desta situación: as guerras en Oriente Medio, o financiamento do Estado Islámico, as guerras pola procura do poder rexional e mundial.
Miguel Ángel Álvarez Pérez
Párroco de San Froilán