O 12 de decembro ten lugar na r/ Cruz, 3 (Lugo) unha reunión sobre Doutrina Social da Igrexa, que respondendo ao Ano da Fe que se está vivindo, ten como tema “Implicación social da fe”. A hora de inicio da sesión é as 19 h. Estas sesións son mensuais e no próximo ano cada segundo mércores haberá novas convocatorias para tratar sobre outros temas: a solidariedade, o principio de subsidiariedade, a propiedade…
A Nosa Voz
Novena en honra da Virxe da Esperanza
Entre os días 10 e 18 de decembro a igrexa parroquial de Santiago A Nova acolle a novena en honra da Virxe da Esperanza. A Insigne Confraría da Santísima Virxe da Esperanza de Lugo organiza esta novena co lema A fe na vida de María e co seguinte programa:
1º día: Bispo de Zamora, Mons. Gregorio Martínez Sacristán Tema, a Anunciación
2º día: Don Marcos Torres Gomez. Tema, a Visitación
3º día: Don David Varela Vázquez. Tema, o Nacemento
4º día: Don Mario Vázquez Carballo. Tema, presentación do Neno
5º día: Don Daniel García Garcia. Tema, o Neno perdido no Templo
6º día: Don Gerardo Sampayo Vázquez. Tema, as Vodas de Caná
7º día: Don José Pérez Barreiro. Tema, María ao pé da Cruz
8º día: Don Alejandro Pín Díaz. Tema, María na oración cos Apóstolos
9º día: Bispo de Lugo, Monseñor Alfonso Carrasco. Tema, a Virxe da Esperanza
Exercicios espirituais para sacerdotes
A partir do domingo día 9 hai exercicios espirituais para sacerdotes da Diocese de Lugo. Os exercicios comezan o día 9 pola noite e conclúen o día 14 ao mediodía. Están dirixidos polo Excmo e Rvdmo. D. Gregorio Martínez Sacristán, Bispo de Zamora
Vixilia da Inmaculada
Este ano a Vixilia da Inmaculada será na parroquia da Milagrosa, o día 7 ás sete e media da tarde.
E dentro das celebracións especiais que hai por toda a Diocese con motivo do Ano da Fe, o Sr. Bispo presidirá a Vixilia da Inmaculada que será o mesmo día 7 ás oito da tarde na Parroquia de San Pedro de Melide.
Novenas en honra a Santa Lucía
O día 5 de decembro, comeza a novena en honra a Santa Lucía na catedral de Lugo. A patir das 19.15 h novena, rosario e misa. O día 13, festividade de Santa Lucía, haberá misas no altar desta santa durante todo o día.
Tamén na parroquia de San Xoán Bautista de Furelos (Melide) se celebra a novena en honra de Santa Lucía; con gran arraigamento e devoción por parte dos fieis da zona.