Vida e actualidade da Diocese de Lugo
Organizada por Equipos da Nosa Señora de Galicia o 14 de novembro de 2015 hai unha peregrinación mariana á Catedral de Lugo baixo o lema “Contemplar a Cristo con María”, pois trátase de honrar a Nosa Señora dos Ollos Grandes
O horario é o seguinte:
11: 00 acollida no Seminario diocesano
13:00 Misa na Catedral
14: 30 Comida
Entresacamos 10 parágrafos das conclusións do Sínodo da Familia:
1. “A indisolubilidade do matrimonio corresponde ao desexo profundo de amor recíproco e duradeiro que o Creador puxo no corazón.humano, e é un don que a Igrexa mesma fai a cada parella”.
2. “No caso en que se consuma un doloroso final da relación, a Igrexa sente o deber de acompañar este momento de sufrimento, de modo que polo menos non haxa conflitos penosos entre os cónxuxes. Particular atención debe ser prestada sobre todo aos fillos”.
3. “A presenza das familias numerosas na Igrexa é unha bendición para a comunidade cristiá e para a sociedade, porque a apertura á vida é unha esixencia intrínseca do amor conxugal”.
4. “En moitos países un crecente número de parellas conviven, sen ningún matrimonio. Isto ha de ser afrontado de xeito constructivo, buscando transformar tal situación en oportunidade de camiño de conversión cara á plenitude do matrimonio e da familia á luz do Evanxeo”.
O 5 de novembro no salón de actos de Afundación (Praza Santa María, Lugo) presentouse a versión galega do libro que recolle sete entrevistas que concedeu Xosemaría Escrivá, entre 1966 e 1968, a Le Figaro, The New York Times, Times, L’Osservatore della Domenica e a varias revistas españolas (Telva, Gaceta Universitaria e Palabra).
A tradutora do libro, Araceli Filgueira, no acto de presentación de Conversacións con Mons. Escrivá de Balaguer comentou que o entrevistado deu respostas de gran carga teolóxica e doutrinal. E fíxoo cunha concreción moi grande. Podíaselle preguntar a Mons. Escrivá calquera cousa, sempre que a forma fose respetuosa. De feito, os temas son moi variados, como a vida mesma.
Sobre o seu labor de tradución, Araceli Filgueira dixo que tivera varias desavinzas co corrector e ante isto algunhas veces conservou a palabra orixinal en cursiva (capitidisminuido) e outras veces gañou o corrector, como cando mantivo a palabra “enfaixar” como equivalente ao castelán “encorsetar”.
Ademais de Araceli Filgueira, no acto interviron Luciano Armas, cóengo da Catedral de Lugo, e Rafael Silva, editor de Follas Novas. E como moderadora, a profesora Isabel Dans.
O 28 de outubro a partir das 9:40h , con invitación ás familias, terá lugar no Colexio da Inmaculada (Lugo) a celebración colexial Fourvière. É o inicio da celebración do bicentenario da promesa de constituír a Sociedade de María que fixo un grupo de sacerdotes, cheos de ilusión. Foi no Santuario de Fourvière, (Lyon) ao día seguinte da súa ordenación.
O texto da promesa é o seguinte:
En nome do Pai e do Fillo e do Espírito Santo. Todo para a maior gloria de Deus, e para a honra de Maria, Nai de noso Señor Xesucristo!
Nós, abaixo asinantes, queremos traballar para a maior gloria de Deus e de Maria, nai de Noso Señor Xesucristo, afirmamos que temos a sincera intención e as firmes ganas de consagrarnos, tan pronto como xurda a oportunidade, á institución da piadosísima Congregación dos Maristas. Velaí porque, polo presente acto, que leva as nosas sinaturas, comprometémonos irrevogablemente, nós e todo o que temos, en canto nos sexa posible, á Sociedade da benaventurada Virxe María.
Os días 16 e 17 de outubro ten lugar a 2ª parte do curso “Aprendamos a amar” na Casa Diocesana de Exercicios de Santiago de Compostela. O venres 16 de 5 a 9 da tarde e o sábado de 10 a 14:30h e de 16 a 19:30h
Os temas son os seguintes:
Desenvolvemento psicosexual: adolescencia
Da atracción ao amor como tarefa
Taller “Traballamos coa música”
A arte de aproximarse ao outro e relacionarse
Embarazos
Enfermidades de transmisión sexual
Nieves González e Begoña Ruiz, da Fundación Desarrollo y Persona, son as encargadas de impartir este Curso de monitores de educación afectivo-sexual, organizado conxuntamente co Centro de Orientación Familiar Diocesano de Lugo e as delegacións de mocidade das 5 dioceses galegas.