Charlas formativas organizadas polo Secretariado de Pastoral Penitenciaria

 O Secretariado de Pastoral Penitenciaria organiza unha charla formativa sobre o voluntariado de prisións. É o xoves 2 de xuño ás 20 horas no local parroquial de San Antonio de Padua de Lugo. Un funcionario fala do que pode facer un voluntario e como facelo.

O venres 3 de xuño, no Colexio Divino Mestre unha charla para mostrarlles aos mozos a realidade da prisión. A charla, a partir das 10:15 horas, será impartida por unha traballadora do centro Penitenciario de Bonxe.

A finalidade destas actividades é informar, dialogar e debater sobre esta realidade, achegando experiencias e buscando xuntos posibles saídas e alternativas.

O Secretariado Diocesano de Pastoral Penitenciaria ten, entre os seus obxectivos e actividades, a prevención, a evanxelización e a reinserción. Fixándose sobre todo na mocidade, que representea unha alta porcentaxe da poboación reclusa e a idade de cometer o primeiro delito oscila entre o tempo da adolescencia e a mocidade. Pero tamén é onde cabe poñer maior esperanza, xa que a personalidade do mozo está aínda en período de formación.

Desde o Secretariado de Pastoral Penitenciaria está a traballarse nesta tarefa todos os días: cos presos, cos familiares, coas vítimas, cos que cumpriron condena e incorpóranse á sociedade. E a idea é seguir traballando e profundando no campo da prevención, poñer un grao de area para crear consciencia desta dura realidade e facer o posible para previr males maiores.

 

Concerto da Coral do Hospital de Lugo

 

O coro actuará o día 26 ás 20:30 horas no HULA. O concerto durará unha hora.

Na Residencia Sanitaria de Lugo nacía hai 20 anos a Coral do Hospital. Durante todos estes anos deixou en moi bo lugar o centro sanitario lucense por tódolos lugares onde levou a súa música. Lugares como Austria, Portugal, Sudamérica e, naturalmente, varias localidades de España.

O próximo día 26 celebrarase esa homenaxe musical ao persoal do Hospital con motivo deses vinte anos que leva o Coro cantando. Trátase pois, dun obsequio a todo o persoal do Hospital, traballadores do Sergas, familiares e amigos. 

Vida Ascendente organiza a exposición Artenova

  O día 27 de maio, como vén sendo usual por estas datas, o movemento de xubilados e maiores de Vida Ascendente abre a súa exposición ARTENOVA de manualidades varias e artigos ecolóxicos.

No local da antiga sancristía da Parroquia de Santiago (A Nova) está aberta a exposición até o 6 de xuño. A recadación irá integramente destinada a Caritas e a un proxecto de axuda en Bolivia, de misioneiros españois.

Xustificar nestes tempos o apoio ao necesitado xa non é necesario; está gravado no corazón das persoas solidarias. Coa axuda dos visitantes da exposición, Vida Ascendente espera seguir aumentando a cantidade de 150.000 € que nestes anos entregáronse aos máis pobres.

Os traballos e produtos pódense entregar antes e durante a exposición na portaría da Parroquia.

Presentación da obra de José Pena Mouriz La metáfora en la obra de Paul Ricoeur

  O libro La metáfora en la obra de Paul Ricoeur de José Pena Mouriz preséntase o 24 de maio na aula Magna do Seminario Diocesano lucense ás oito da tarde. A obra recolle a tese que leu José Pena Mouriz o ano 2008 na facultade de Filosofía da Universidade de Santiago. A tese fíxose baixo a dirección do profesor Marcelino Agís Villaverde.

O filósofo Paul Ricoeur quixo comprender mellor o discurso humano. E para iso analizou as figuras literarias en xeral e a metáfora en particular. O obxectivo da tese é presentar o tema da metáfora no campo da filosofía. E para iso, o autor toma como referente a obra de Paul Ricoeur, autor, por exemplo, do libro A metáfora viva.

Segundo Pena Mouriz, a obra de Ricoeur vai dando pasos nun longo percorrido e un construtivo diálogo coas correntes e unha gran nómina de filósofos que se dedicaron a reflexionar sobre este tema, ata chegar á conclusión de que metáfora filosófica é un elemento clave para a comprensión do discurso filosófico. A investigación desenvolvida por Pena Mouriz comeza na retórica clásica, pasa pola semiótica e a semántica e remata na hermenéutica, definindo unha serie de pasos que se corresponden, respectivamente, coas distintas entidades lingüísticas: a palabra, a frase e o discurso. A metáfora vai cobrando maior importancia. Considerada a metáfora como un discurso, correspóndelle, pois, o ámbito da hermenéutica.

Las declaraciones a favor de la Iglesia aumentaron en 2010

En la última declaración de la Renta, de 2010, correspondiente al IRPF de 2009 el número de declaraciones con asignación a favor de la Iglesia Católica se ha incrementado en 65.983. El número total de declaraciones a favor de la Iglesia se ha elevado a 7.260.138 millones. En tan solo tres años, se ha producido un aumento de casi 800.00  declaraciones (exactamente 777.983). Si tenemos en cuenta que un buen número de ellas son conjuntas, podemos estimar que en la pasada primavera más de 9 millones de contribuyentes asignaron a favor de la Iglesia Católica.

El porcentaje sube casi medio punto y asciende a un 34,75%, aunque la recaudación ha sido de 249.456.822 euros (3.225.724 euros menos que el año anterior). Es un dato muy positivo si se tiene en cuenta que, en el contexto general de crisis económica, las previsiones que se tenían en relación con la recaudación del IRPF y su impacto en la cuota  íntegra del impuesto, que se utiliza como base para la asignación, eran pesimistas. Con eses datos se puede mantener el sostenimiento de las actividades básicas de la Iglesia con eficiencia y austeridad.

El nuevo e importante aumento en el número de personas que han decidido asignar a favor de la Iglesia, en una coyuntura compleja, muestra que la percepción real que la sociedad tiene de la Iglesia es positiva. La Conferencia Episcopal agradece a todos el gesto de asignar, especialmente a quienes lo han hecho por primera vez, y recuerda que las otras formas de colaboración al sostenimiento de la Iglesia, como son las colectas, las suscripciones, etc., continuarán siendo absolutamente indispensables. Con poco dinero, la Iglesia sigue haciendo mucho por tantos que todavía necesitan tanto.

A %d blogueros les gusta esto: