Do 8 ao 11 de xullo os máis novos (entre 10 e 16 anos) da parroquia de Santiago A Nova (Lugo) teñen a oportunidade de pasar uns días xuntos en Guadarrama (Madrid), compartíndoo todo e co desexo de crecer xuntos na amizade con Xesús.
É no Albergue Xuvenil Frei Luís de León, en pleno corazón da serra de Guadarrama e ben equipado. En máis 100.000 metros cadrados hai piscina, lago artificial, instalacións deportivas… É unha contorna segura, coidada e de gran beleza. Ofrece numerosas posibilidades: excursións culturais e históricas, tirolinas, tiro con arco, sendeirismo, mountain bike… pola serra.
