O luns 11 de novembro ás 20:30 h no Salón de actos do Seminario ten lugar a primeira asemblea sobre O sentido relixioso (Luigi Giussani). Trátase dun seminario dirixido por Ignacio Carbajosa e Alfonso Calavia e que se retransmite “en diferido”.
O luns 25 de novembro, no mesmo lugar e á mesma hora, exponse a segunda premisa “Responsabilidade” e a asemblea sobre o tema será o 16 de decembro.
Luigi Giussani, fundador do movemento Comuñón e Liberación, marcou unha época na educación cristiá, e o Curso Básico de Cristianismo foi e é un punto de referencia decisivo para miles e miles de persoas en todo o mundo.
Segundo Giussani o sentido relixioso sitúase no nivel da experiencia elemental de cada persoa, na que o eu faise preguntas sobre o significado da vida, da realidade, de todo o que sucede. Giussani fai descubrir o sentido orixinal de dependencia, que é a maior evidencia para o home de todos os tempos. O cristianismo ten que ver co sentido relixioso porque se propón como resposta imprevisible, pero plenamente razoable, ao desexo do home de vivir descubrindo e amando o seu propio destino.