Apertura da Porta Santa no Corpiño

Numerosos fieis acudiron o 25 de xullo ao Corpiño para participar na cerimonia de apertura da Porta Santa do santuario de Lalín.

A imaxe titular do Santuario unicamente sae en procesión os días da súa Romaría. Pero ante unha ocasión tan especial, a imaxe da Virxe saíu do seu retablo para acompañar aos fieis presentes. A procesión chegou ata á denominada Porta de San Pedro, nun lateral da igrexa. Varias horas estivera traballándose para deixar lista a Porta:  tanto as columnas existentes a ámbolos dous lados como o espacio superior á Porta cubríronse cunha tea e puxéronse lazos.

O reitor de Santuario, José Criado, procedeu á apertura da Porta Santa e entrou na igrexa pasando por baixo da imaxe da Virxe, pedindo así a súa protección. A continuación traspasaron a Porta unha quincena de sacerdotes, autoridades civís e os centos de persoas que acudiran ao acto.

Finalmente, tivo lugar unha solemne Eucaristía de Acción de Grazas.

Apertura no Corpiño da Porta do Ano Santo

Con motivo da recentemente concedida coroación pontificia da imaxe da Benaventurada Virxe do Corpiño, desde o pasado 24 de xuño e durante os 12 meses posteriores o santuario de Lalín vive un Ano Santo Mariano.

Un dos actos programados para tal ano xubilar terá lugar o 25 de xullo, cando se proceda á apertura, nun lateral da igrexa, dunha Porta Santa. Ese día ás 18:00 h haberá unha procesión extraordinaria coa imaxe da Virxe, a continuación a cerimonia de apertura da Porta do Ano Santo e finalmente unha Eucaristía de Acción de Grazas.

O feito de que o Papa conceda un Ano Santo, propicia unha renovación dos desexos de seguir a Cristo, en paz co resto dos irmáns e coa axuda da Virxe. E todos cantos se acheguen nese período a Santa Baia de Losón poden conseguir indulxencia plenaria.

Ano especial no santuario do Corpiño

A celebración da Virxe do Corpiño tivo este ano importantes elementos novidosos:

– declárase ano mariano desde o 24 de xuño do actual ata a mesma data do 2018. Durante este ano mariano poderán lucrarse de indulxencia plenaria os fieis que se confesen, comulguen, recen polas intencións do Papa e oren devotamente ante a imaxe da Benaventurada Virxe do Corpiño. É a segunda advocación mariana galega con ano santo propio.

– o papa Francisco concede a coroación da Virxe do Corpiño e do Xesucristo Neno que porta no seu colo. Así se fixo saber o día da romaría grande, trala Misa maior cando o vicario xeral da Diocese de Lugo, Mario Vázquez, leu unha carta do Secretario da Congregación para o Culto Divino e a Disciplina dos Sacramentos, Arthur Roche, comunicando dita concesión. O acto da coroación pontificia da Virxe terá lugar o día no que conclúe o ano mariano, o 24 de xuño de 2018.

– o santuario recobrou a cor orixinal das súas fermosas pinturas.

Celebración da Romaría do Corpiño

Venres 23  PRIMEIRO DÍA DA ROMARÍA

Misas desde as 9 da mañá. Ás 12 Misa Solemne cantada polo coro “Nosa Señora do Corpiño”. Recibimento da Virxe para a Procesión. Ofrenda-baile á Virxe. Pola tarde misas desde as 5:00 h

Sábado 24. GRAN ROMARÍA Á VIRXE MARÍA DO CORPIÑO

Misas desde as 9:00 h da mañá. Ás 11:00 h Misa de Enfermos. Ás 12:00 h Misa Solemne presidida polo Vicario Xeral, D. Mario Vázquez Carballo e cantada polo coro “Nosa Señora do Corpiño”. Procesión e Ofrenda-baile á Virxe. Despedida da imaxe da Virxe. Pola tarde misas desde as 5:00 h

Domingo 25.

Misas desde as 10:00 h da mañá. Ás 12:00 h Misa Solemne cantada polo coro “Nosa Señora do Corpiño”. Consagración de todos os devotos á Virxe do Corpiño Logo da Misa poxas das ofrendas realizadas á Virxe do Corpiño. Pola tarde misas desde as 5:00 h

Ata o día 23 está celebrándose a Novena ás 12 da mañá e ás 6 da tarde.

Novena na honra da Virxe do Corpiño

Horario: Novena ás 12 da mañá e ás 6 da tarde

Xoves 15 PRIMEIRO DÍA Dedicado á oración. Exposición do Santísimo en oración polas vocacións e a vida consagrada.

Venres 16. SEGUNDO DÍA Dedicado aos defuntos. Pídese polos rectores, sacerdotes e devotos da Virxe do Corpiño que faleceron.

Sábado 17. TERCEIRO DÍA Dedicado á familia, matrimonios e á vida. Bendición das familias, nais embarazadas e as que desexan ter fillos e non o logran.

Logo da Misa das 6 da tarde, procesión coa imaxe da Virxe do Corpiño

Domingo 18 CUARTO DÍA Dedicado aos nenos e aos novas

Bendición dos nenos e os mozos. Celebración do Santísimo Corpo e Sangue de Cristo. CORPUS CHRISTI. Procesión da Unidade Parroquial, co Santísimo Sacramento ás 12 h.

Luns 19 QUINTO DÍA Dedicado ao canto. Bendición dos instrumentos musicais, do coro “Nosa Señora do Corpiño” e das persoas dedicadas ao canto.

Martes 20 SEXTO DÍA Dedicado aos traballos humildes e aos traballadores. Bendición das mans, ferramentas de traballo e aos que non teñen traballo.

Mércores 21 SÉTIMO DÍA Dedicado ás persoas maiores e enfermos. Rézase polos anciáns e os enfermos. Bendición das medicinas e auga para tomalas.

Xoves 22 OITAVO DÍA Dedicado a Cáritas e aos máis necesitados: operación quilo. Cada un aporta un quilo de alimentos non perecedeiros e entréganse a Cáritas.

Venres 23. NOVENO DÍA Dedicado aos peregrinos, devotos e seguidores das redes sociais. Rézase polos devotos en xeral e en especial polos que están lonxe e seguen os actos do santuario por internet e as redes sociais.

A %d blogueros les gusta esto: