Última sesión do Curso de Formación en Matrimonio e Familia

Relatores 2

O 7 de novembro será a 10ª e última xornada do Curso de Formación en Matrimonio e Familia organizado polas cinco diócesis galegas. Tema: O aceite sobre as feridas: cara a unha pastoral da misericordia. A relatora principal é Mª Luisa Erhardt, que dirixe do centro Betania de acompañamento a mulleres separadas. Tamén participa o Delegado de Pastoral Familiar de Valladolid Fernando García Álvaro.

Nesta sesión buscaranse respostas a preguntas como as seguintes: Pode ser a ruptura matrimonial unha posibilidade de encontro e sanación? Unha familia que viviu o drama da separación pode esperar ser bendicida por Deus? Pode ser o lugar de educación no Amor que propón a Igrexa? De que xeito?

É imposible aprender na vida senón se aprende da vida. O fracaso forma parte do noso proceso de aprendizaxe e pode ser unha fonte de graza e bendición sen igual, coa condición de poñerse diante da realidade sen negar ou xustificar o vivido. Hai en nós unha grandeza maior que os nosos erros e límites; é a que brota do amor misericordioso co que somos amados por Deus. 

Deixa un comentario

A %d blogueros les gusta esto: