A partir das 12 do día 24 ten lugar a Eucaristía coa que se celebra a Noiteboa, na Catedral lucense.
Diocese
Concerto de corais na Catedral
O sábado 22, ao finalizar a Misa das 20 h, no altar do Bo Xesús da Catedral de Lugo, hai un recital de Nadal a cargo do Orfeón Lucense, dirixido por Marcos Fernández Mosquera e tamén actúa como coro invitado o Orfeón Xoán Montes, dirixido por Miguel Ángel Mouriz.
Campaña “Doce Nadal” na igrexa Santiago A Nova
Entre o venres 14 e o domingo 16, o Grupo de Maiores da parroquia de Santiago A Nova, organiza a Campaña “Doce Nadal” de repostaría caseira e produtos ecolóxicos (mel, licores, marmelo, noces, pan de Ousá, etc). Trátase facer que os irmáns máis necesitados poidan compartir a súa mesa chea do amor solidario dos seus veciños e irmáns.
Campaña “Sementadores de estrelas”
Distintos grupos de nenos sairán polas rúas para felicitar o Nadal aos transeúntes, en nome dos misioneiros da Diocese de Lugo:
-
día 15 de decembro, a partir das 11 h. desde a Igrexa Santiago a Nova, Lugo
-
día 22 de decembro, os nenos do colexio da Mercé de Sarria;
-
día 23, os de Melide,
-
día 25, día de Nadal, os nenos de Lalín.
Retiro de Advento para laicos
O sábado 15 ten lugar un retiro de Advento dentro do actual Ano da fe, para todos os laicos da Diocese interesados en participar. Será no Seminario entre as 10 da mañá e as dúas da tarde. E estará impartido polo párroco de San Francisco Xavier, Xesús Fernández Aira, baixo o título “Miramos e contemplamos un rostro. Como orar neste convulso Nadal”