O lema deste ano é unha frase cotiá -Tes unha chamada- que se converte en toque de atención para saír do encerro en nós mesmos. Necesitamos cortar cun modo de vivir “ruidoso” que nos impón a sociedade e que nos impide percibir a voz de Deus, a súa chamada persoal para cada un. Esta chamada crucial só espera a nosa resposta para, como di o Papa, “converternos en protagonistas da historia única e orixinal que Deus quere escribir connosco”.