O día 17 de outubro, ás 5 da tarde, tivo lugar na praza de Santa María o rezo dun rosario, meditado e coa actuación do Orfeón Lucense. A continuación Eucaristía na catedral presidida polo señor Bispo D. Alfonso Carrasco Rouco.
Diocese
Xornada de comezo do curso catequético
Imaxe de arquivo dunha reunión de José Pérez Barreiro cos catequistas no Seminario
O 18 de outubro o Seminario acolle a xornada de inicio do curso 2013/4 na catequese. Ás 18:30 será o acto de acollida-oración e ás 19h preséntanse o curso catequético e o documento que este ano presentou a Conferencia Episcopal baixo o título “Orientaciones pastorales para la coordinación de la familia, de la parroquia y la escuela en la transmisión de la fe”. Neste a Delegación de Catequese impusará a comunicación telemática entre catequistas.
Inicio do curso pastoral
O día 18 ás 20 h será a inauguración oficial do curso pastoral 2013 / 2014 cunha Eucaristía na Catedral presidida polo señor Bispo, Mons. Alfonso Carrasco Rouco.
É un acto aberto a segrares, sacerdotes, comunidades relixiosas, educadores cristiáns, para que todos se unan tanto na celebración eucarística como no posterior xesto de envío.
Visita dunha imaxe da Virxe de Fátima a Lugo e Monforte
Momento da procesión nas Carmelitas o día 15 de outubro
Do 14 ao 18 de outubro visita Lugo e Monforte unha imaxe da Virxe de Fátima custodiada na sé madrileña do Apostolado Mundial de Fátima. O programa de actos é o seguinte:
-
Día 14 de outubro, ás 6 da tarde: rosario e misa solemne no convento das Carmelitas presidida polo Presidente Nacional do Apostolado Mundial de Fátima en España, D. Carlos Lumbreras.
-
Día 15 de outubro, ás 5 da tarde, no convento das Carmelitas Descalzas: Rosario en procesión coa imaxe da Virxe. Ás 6, Vésperas solemnes e Eucaristía, presidida polo Vigairo Xeral, Mario Vázquez Carballo.
-
Día 16 de outubro, ás 11:00 horas, Rosario e Eucaristía na igrexa das Madres Agostiñas da Praza de Santo Domingo.
Ás 5 da tarde, no Asilo de Monforte de Lemos.
-
Día 17 de outubro, ás 12.00 horas rosario e Eucaristía no mosteiro das Salesas
Ás 5 da tarde, acto multitudinario na praza de Santa María: rosario, meditado, animado polo Orfeón Lucense. A continuación Eucaristía na catedral presidida polo señor Bispo D. Alfonso Carrasco Rouco.
-
Día 18 de outubro, ás 12.00 horas rosario e Eucaristía na igrexa de San Pedro. A continuación despedida da Imaxe Peregrina na praza da Soidade.
Conferencia do misioneiro Antonio Diufaín sobre a República Dominicana
O 13 de outubro ás 20h no Seminario, o sacerdote Antonio Diufaín Mora impartiu unha conferencia co título “La República Dominicana y el cruel negocio del azúcar”.
A primeira actitude necesaria é a de encherse do desexo de que todo o mundo perciba o amor de Deus. E logo a colaboración real activa coa misión, tanto a vertente espiritual como a material. Antonio Diufaín considera que a tarefa supera as forzas, pero sáese adiante pola graza de Deus, pola oración tanto propia como a oración doutras persoas que apoian a misión desa maneira. Para Antonio Diufaín poden desaparecer as escolas, as fábricas… que montan os misioneiros, pero o amor que se puxo, iso non desaparece.
Sobre o traballo na recolección da cana de azucre na República Dominicana, faise nun réxime de semiescravitude: reciben máis coidados os bois cás persoas. Aínda así, a xente ten unha forza interior que xa quixeran para si os habitantes do primeiro mundo.